ಸತ್ವಯುತ ಕಾಂಪೊಸ್ಟು ತಯಾರಿಕೆ ಹೀಗೆ.

by | Feb 25, 2020 | Manure (ಫೋಷಕಾಂಶ), Organic Cultivation (ಸಾವಯವ ಕೃಷಿ) | 0 comments

ಕಾಂಪೋಸ್ಟು ಅದರಲ್ಲೇನಿದೆ. ಹೊಂಡ ಮಾಡುವುದು ಅದಕ್ಕೆ  ಎಲ್ಲಾ  ತ್ಯಾಜ್ಯಗಳನ್ನು  ಹಾಕುವುದು ಗೋಬರ್ ಗ್ಯಾಸ್ ಸ್ಲರಿಯನ್ನು  ಎರೆಯುವುದು. ಕೆಲವು ತಿಂಗಳಲ್ಲಿ ಕಾಂಪೋಸ್ಟು  ತಯಾರಾಗುತ್ತದೆ. ಇದು ನಿಜವಾಗಿಯೂ ಸೂಕ್ತ  ಕಾಂಪೋಸ್ಟು ತಾಂತ್ರಿಕತೆ ಆಲ್ಲ. ಇದರಲ್ಲಿ ಯಾವ ಪೋಷಕಗಳೂ ಇರುವುದಿಲ್ಲ.

  • ಸಾವಯವ ತ್ಯಾಜ್ಯಗಳು ಹಾಕಿದ ತರಹವೇ ಯಾವುದೇ ರೂಪಾಂತರಗೊಳ್ಳದೆ ಇರುತ್ತವೆ.
  • ಗುಂಡಿಯ  ಒಳಗಡೆ ನೀರು ಹೆಚ್ಚಾಗಿರುತ್ತದೆ.
  • ಇದು ಸೂಕ್ಷ್ಮ ಜೀವಿಗಳನ್ನು ಬದುಕಲು ಬಿಡುವುದಿಲ್ಲ.

 ಯಾವುದೇ ಸಾವಯವ ತ್ಯಾಜ್ಯ ಕಾಂಪೋಸ್ಟು ಕ್ರಿಯೆಗೆ ಒಳಪಟ್ಟಾಗ ಅದು ಹುಡಿ ಆಗಬೇಕು. ಗುಂಡಿ ಪದ್ದತಿಯಲ್ಲಿ ಅದು ಆಗುವುದಿಲ್ಲ. ಸೊಪ್ಪು , ತರಗೆಲೆ, ಇನ್ನಿತರ  ವಸ್ತುಗಳು  ಯಾವುದೇ  ರೂಪಾಂತರ ಆಗದೆ ಉಳಿಯುತ್ತವೆ.

  • ಕಾಂಪೋಸ್ಟು ಹೊರ ತೆಗೆಯುವಾಗ ಅದರಲ್ಲಿ  ಬಿಸಿ ಇರಕೂಡದು.
  • ಹಾಗಿದ್ದರೆ ಮಾತ್ರ ಅದರಲ್ಲಿ ಜೀವಾಣುಗಳು ಇರುತ್ತವೆ.

ಗುಂಡಿ ಪದ್ದತಿಯಲ್ಲಿ  ತೆಗೆಯುವ ಸಮಯದಲ್ಲಿ ಹೆಚ್ಚಾಗಿ ಬಿಸಿ ಇರುವುದನ್ನು ಕಾಣಬಹುದು. ಇದು  ಬರೇ  ಸಾವಯವ ವಸ್ತುಗಳ ರಾಶಿ ಅಷ್ಟೇ.

  • ಅಧಿಕ ಮಳೆಯಾಗುವ ಕರಾವಳಿ, ಮಲೆನಾಡಿನಲ್ಲಿ ಇಂಥಹ ಕಾಂಪೋಸ್ಟು ಗುಂಡಿಯಲ್ಲಿ  ಮಳೆಗಾಲದಲ್ಲಿ ನೀರು ನಿಲ್ಲುತ್ತದೆ.
  • ಆದ ಅದರ  ಪೋಷಕಗಳು ನೀರಿನ ಜೊತೆಗೆ ನೆಲಕ್ಕೆ ಇಳಿದು ಹೋಗುವುದು ಜಾಸ್ತಿ. ಇದೆ.
  • ಗುಂಡಿಯಲ್ಲಿ ತಯಾರಾದ ಕಾಂಪೋಸ್ಟು ದುರ್ಗಂಧದಿಂದ ಕೂಡಿದ್ದರೆ ಅದು ನೈಜ ಕಾಂಪೋಸ್ಟು ಆಗಿರುವುದಿಲ್ಲ.

ನಿಜವಾದ ಕಾಂಪೋಸ್ಟು ಯಾವುದು.

  • ಸಾವಯವ ತ್ಯಾಜ್ಯಗಳು ಕಳಿಯುವುದು ಸೂಕ್ಷ್ಮಾಣು ಜೀವಿಗಳ ನೆರವಿನಿಂದ.
  • ಸೂಕ್ಷ್ಮಾಣು ಜೀವಿಗಳು ಅರೋಬಿಕ್ ( ಗಾಳಿಯಾಡುವಲ್ಲಿ) ಬದುಕಿದಷ್ಟು ಗಾಳಿಯಾಡದ ಸ್ಥಿತಿಯಲ್ಲಿ  ಬದುಕಲಾರದು.
  • ನಾವು ಗುಂಡಿ ಪದ್ದತಿಯಲ್ಲಿ ಕಾಂಪೋಸ್ಟು ಮಾಡುವಾಗ ಅದರಲ್ಲಿ ಸೂಕ್ಷ್ಮಾಣು ಜೀವಿಗಳಿಗೆ ಬದುಕಲು ಸೂಕ್ತ  ಹವಾ ಸ್ಥಿತಿ ಇರುವುದಿಲ್ಲ.

ಕಾಂಪೋಸ್ಟು  ಮಾಡುವ ಸ್ಥಳಕ್ಕೆ ನೆರಳು ಮಾಡುವುದು ಅತೀ ಅಗತ್ಯ.

  • ನೆಲಮಟ್ಟದಲ್ಲಿ  ಎತ್ತರಿಸಿದ ರೀತಿಯಲ್ಲಿ ಕಾಂಪೋಸ್ಟು ಮಾಡುವುದು ಎಲ್ಲಾ ರೀತಿಯಲ್ಲೂ ಒಳ್ಳೆಯದು.
  • ನೆಲಮಟ್ಟದಿಂದ ಮೇಲೆ ಇದ್ದಾಗ  ಕಾಂಪೋಸ್ಟಿಗೆ  ಹಾಕಿದ ತ್ಯಾಜ್ಯಗಳು ಬೇಗ  ಕಳಿಯುತ್ತವೆ. ಅಲ್ಲಿ ಸೂಕ್ಕ್ಷ್ಮಾಣು ಜೀವಿಗಳಿಗೆ  ಪ್ರಾಣವಾಯುವು ಸಮರ್ಪಕವಾಗಿ ಲಭ್ಯವಾಗಿ  ಸಂಪಧ್ಭರಿತ ಕಾಂಪೋಸ್ಟು ತಯಾರಾಗುತ್ತದೆ.
  • ನೆಲಮಟ್ಟದಲ್ಲಿ ಇಟ್ಟಿಗೆ ಅಥವಾ ಕಲ್ಲು ಚಪ್ಪಡಿಗಳಿಂದ ಸುಮಾರು 1 ಮೀ ಅಗಲದ ಅನುಕೂಲ    ಇರುವಷ್ಟು ಉದ್ದದ ರಚನೆಗಳನ್ನು ಮಾಡಿಕೊಳ್ಳಿ.
  • ಇಟ್ಟಿಗೆಗಳನ್ನು ಕಟ್ಟುವಾಗ ಅಲ್ಲಲ್ಲಿ ತೂತುಗಳನ್ನು ಇಡಬೇಕು. ಈ ತೂತುಗಳು  ಕಾಂಪೋಸ್ಟು ಕ್ರಿಯೆಯನ್ನು  ಚುರುಕು  ಮಾಡುತ್ತವೆ.

ಬರೇ ನೆಲದಲ್ಲೇ ಕಾಂಪೋಸ್ಟು ಮಾಡಬಹುದು.

  • ಕಲ್ಲು ಚಪ್ಪಡಿಗಳನ್ನು ಇಡುವಾಗ ಅದಕ್ಕೆ ಪ್ಲಾಸ್ಟರಿಂಗ್ ಮಾಡಬಾರದು. ಅಲ್ಲಿನ ಸೆರೆಗಳು   ಗಾಳಿಯಾಡಲು ನೆರವಾಗುತ್ತವೆ.
  • ಸರಳವಾಗಿ ತಾತ್ಕಾಲಿಕ ಕಾಂಪೋಸ್ಟು ತಯಾರಿಕೆಗೆ  ಅಡಿಕೆ  ಮರದ ಅಥವಾ ಇನ್ಯಾವುದೇ ಮರದ ತುಂಡುಗಳನ್ನು ಹತ್ತಿರ ಹತ್ತಿರ ಇಟ್ಟು ಅದರ ಒಳಗೆ  ತುಂಬಿಯೂ ಕಾಂಪೋಸ್ಟು ಮಾಡಬಹುದು.
  • ಈಗ ಜಿಯೇಮೆಂಬ್ರಿನ್ ಶೀಟುಗಳ ಸಿದ್ದ ರೂಪದ  ಕಾಂಪೋಸ್ಟು ತೊಟ್ಟಿಗಳು ಲಭ್ಯವಿದ್ದು,  ಇದು ನೆಲದಲ್ಲಿ ಇಟ್ಟಾಗ ಕೆಲವು ಜೀವಿ ಇದನ್ನು  ತಿಂದು ಹಾಳು ಮಾಡುತ್ತವೆ ಅದ ಕಾರಣ ಇದು ಆರ್ಥಿಕವಲ್ಲ.
  • ಕಾಂಪೋಸ್ಟು ಕ್ರಿಯೆಯು ಸುಮಾರು 2  ತಿಂಗಳ ಒಳಗೆ  ಮುಗಿಯುವ ಕಾರಣ  ಅನುಕೂಲ ಇರುವವರು ಶಾಶ್ವತ ರಚನೆ ಮಾಡಿಕೊಂಡು ಇಲ್ಲದವರು ತಮ್ಮಲೇ ಲಭ್ಯವಿರುವ ವಸ್ತುಗಳಿಂದ ಕಾಂಪೋಸ್ಟು ಮಾಡಬಹುದು.
  • ಯಾವುದೇ ರಚನೆಗಳನ್ನು ಮಾಡದೆಯೂ ಕಾಂಪೋಸ್ಟು ತಯಾರಿಸಬಹುದು. ನೆಲದ ಮೇಲೆ ಸಾವಯವ ತ್ಯಾಜ್ಯಗಳನ್ನು ಮತ್ತು ಅದಕ್ಕೆ ಸೇರಿಸುವ ಸಗಣಿ ರಾಡಿಯನ್ನು ಹಾಕಿ ಸುಮಾರು 1 ಅಡಿ ಎತ್ತರದ ತನಕ ಮಾಡಿ ಅದಕ್ಕೆ ಪಾಲಿಥೀನ್ ಶೀಟನ್ನು ಮುಚ್ಚಿ ಮಾಡುವ ಕಾಂಪೋಸ್ಟು ಉತ್ಕೃಷ್ಟವಾಗಿರುತ್ತದೆ.
  • ಕಾಂಪೋಸ್ಟು ತಯಾರಿಸುವ ಜಾಗ ನೆರಳಿನ ಜಾಗ ಆಗಿರಬೇಕು. ಬಿಸಿಲಿನಲ್ಲಿ ಮಾಡುವುದು ಉತ್ತಮವಲ್ಲ.
  • ದಿನಾ ಕಾಂಪೋಸ್ಟು ರಾಶಿಗೆ  ತ್ಯಾಜ್ಯಗಳನ್ನು ಹಾಕುವವರು ಅದಕ್ಕೆ ಸೆಣಬಿನ ಚೀಲ ಇಲ್ಲವೇ  ಪಾಲಿಥೀನ್ ಶೀಟನ್ನು  ಹೊದಿಸಿದರೆ ಸಾರಜನಕದ ನಷ್ಟ ಉಂಟಾಗುವುದಿಲ್ಲ.
  • ಶೀಟು ಹೊದಿಸುವಾಗ ಸಂಪೂರ್ಣ ನಿರ್ವಾತವಾಗದಂತೆ   ಹೊದಿಸಿರಿ.

ಕಾಂಪೋಸ್ಟು ಮಾಡುವಾಗ ಅದಕ್ಕೆ ವೇಸ್ಟ್ ಡಿಕಂಪೋಸರ್ ಬಳಕೆ ಮಾಡುವುದು ತ್ವರಿತ ಕಳಿಯಲು ಸಹಾಯಕ. ಕಾಂಪೋಸ್ಟು ಮಾಡುವ  ಬ್ಯಾಕ್ಟೀರಿಯಾ ಹಾಕಿದರೆ ಇನ್ನೂ ಉತ್ತಮ.

 

0 Comments

Submit a Comment

Your email address will not be published. Required fields are marked *

Get in Touch

For all kinds of inquiries, regarding the Krushiabhivruddi website and its other media channels, including corporate advertising contact us on 

[email protected]
+91-9663724066

ಒಂದು ಎಕ್ರೆಯಲ್ಲಿ ಮಿಶ್ರ ಬೆಳೆಯಿಂದ ಕನಿಷ್ಟ 3 ಲಕ್ಷ ಆದಾಯ ಗಳಿಸುವ ರೈತ.

Categories

error: Content is protected !!