ಅಣಬೆ ಬೇಸಾಯದಿಂದ ಕೈತುಂಬಾ ವರಮಾನ.

ತಿನ್ನುವ ಅಣಬೆಗೆ ಉತ್ತಮ ಬೇಡಿಕೆ. ಪಟ್ಟಣಗಳಲ್ಲದೆ, ಹಳ್ಳಿಗಳಲ್ಲೂ ಸಹ ಅಣಬೆಯ ಉಪಯೋಗ ಪ್ರಾರಂಭವಾಗಿದೆ.    ಕಡಿಮೆ ಬಂಡವಾಳದಲ್ಲಿ  ಕಡಿಮೆ ಸ್ಥಳಾವಕಾಶದಲ್ಲಿ ಮಾಡಬಹುದಾದ ಕೃಷಿ ಪೂರಕ ವೃತ್ತಿ.

•  ಬೆಂಗಳೂರಿನ ಗ್ರಾಮಾಂತರ ಭಾಗಗಳಲ್ಲಿ ಹಲವರು ಜನ ಅಣಬೆ ಬೇಸಾಯ ಮಾಡುತ್ತಾರೆ. ಇದೇ ವೃತ್ತಿಯಲ್ಲಿ ಮೇಲೆ ಬಂದವರಿದ್ದಾರೆ.
• ಗೋವಾದಲ್ಲಿ  ಇದು ಅತೀ ಹೆಚ್ಚಿನ ಪ್ರಮಾಣದಲ್ಲಿ  ಇದೆ. ಹೆಚ್ಚಿನ ಕಡೆಗೆ ಗೋವಾದಿಂದ ಅಣಬೆ  ಸರಬರಾಜು ಆಗುತ್ತದೆ.
• ಇತರ ಕಡೆಗಳಲ್ಲಿ ಬೆಳೆಸುವವರ ಸಂಖ್ಯೆ  ತುಂಬಾ  ಕಡಿಮೆ.

ಹೇಗೆ ಪ್ರಾರಂಭಿಸಬೇಕು:

• ಅಣಬೆ ಬೇಸಾಯ ಮಾಡುವ ಮುನ್ನ ತರಬೇತಿಯನ್ನು ಪಡೆಯಬೇಕು.
• ಅನಂತರ ಮೊದಲು ಸ್ವಲ್ಪ ಪ್ರಮಾಣದಲ್ಲಿ ಮಾಡುತ್ತಾ ತೊಂದರೆಗಳನ್ನು ಗಮನಿಸಿ ಅದನ್ನು ಹೇಗೆ ನಿವಾರಿಸಬೇಕೆಂದೆ ತಜ್ಞರ ಸಲಹೆಯ ಪಡೆಯುತ್ತಾ ಬೆಳೆಸುತ್ತಾ ಬರಬೇಕು.
•   ಹೀಗೆ ಮಾಡಿದರೆ  ಮಾತ್ರ ಇದರಲ್ಲಿ ಯಶಸ್ವಿಯಾಗಬಹುದು.

ಹಾಲಣಬೆಗೆ ಮಾರುಕಟ್ಟೆಯಲ್ಲಿ  ಹೆಚ್ಚಿನ ಬೇಡಿಕೆ. ಇದನ್ನು ಬೆಳೆಸುವುದು ಸುಲಭ ಸಹ. ಸ್ಥಳೀಯವಾಗಿ ಲಭ್ಯವಾಗುವ ಸಾಮಾಗ್ರಿಗಳಿಂದ ಹಾಲಣಬೆ ಉತ್ಪಾದಿಸಬಹುದು.

ಹಾಲಣಬೆ ಏನು:

• ಇದು ಪಶ್ಚಿಮ ಬಂಗಾಲದ ಕಾಡುಗಳಲ್ಲಿ ಸ್ವಾಭಾವಿಕವಾಗಿ ಬೆಳೆಯುತ್ತದೆ.
• ಇದಕ್ಕೆ ಕ್ಯಾಲೋಸೈಬ್ ಇಂಡಿಕಾ ಎಂಬುದು ಹೆಸರು.
• ಇದನ್ನು ಅರಣ್ಯಗಳಿಂದ ಸಂಗ್ರಹಿಸಿ ಬಳಸಲಾಗುತ್ತಿತ್ತು.
• ಈಗ ಅದರ ವಾಣಿಜ್ಯಿಕ ಬೇಸಾಯವನ್ನು  ನಾವೇ ಮಾಡುವ ವಿಧಾನವು ಪ್ರಚಲಿತದಲ್ಲಿದೆ.

ಇದಕ್ಕೆ ಸಮಶೀತೋಷ್ಣ ವಲಯದ ವಾತಾವರಣ ಹೊಂದಿಕೆಯಾಗುವ ಕಾರಣ ನಮ್ಮಲ್ಲಿ ಎಲ್ಲಾ ಭಾಗಗಳಲ್ಲೂ ಬೆಳೆಯಬಹುದು. ಇದಕ್ಕೆ ಭತ್ತದ ಹೊಟ್ಟಿನ, ಹಾಗೂ ಬಟನ್ ಮಶ್ರೂಮ್ ಗಿಂತ ಹೆಚ್ಚಿನ ಬಾಳ್ವಿಕೆ ಇರುತ್ತದೆ. 

• ಹಾಲಣಬೆಯನ್ನು ಹಲವಾರು ರೀತಿಯ ರೀತಿಯ ಸಾವಯವ ಮತ್ತು ತ್ಯಾಜ್ಯ ವಸ್ತುಗಳನ್ನು ಉಪಯೋಗಿಸಿ ಬೆಳೆಯಬಹುದು.
• ಉದಾಹರಣೆಗೆ ಭತ್ತ, ರಾಗಿ, ಗೋಧಿ ಹುಲ್ಲು, ಹತ್ತಿ ಸಜ್ಜೆ  ಮತ್ತು ಮೆಕೇ ಜೋಳದ  ಎಲೆಯುಳ್ಳ ಕಡ್ಡಿಗಳ ಮೂಲಕ ಬೆಳೆಯಬಹುದು.
• ಗಡ್ಡೆ ತೆಗೆದು  ಉಪಯೋಗವಿಲ್ಲದೆ  ಬಿಸಾಡುವ ಮೂಲಂಗಿ ಸಸ್ಯದಲ್ಲೂ ಇದನ್ನು ಬೆಳೆಯಬಹುದು.
• ಇವುಗಳೆಲ್ಲದರ  ಲಭ್ಯತೆಯು ತುಂಬಾ ಕಡಿಮೆಯಾದ ಕಾರಣ ಭತ್ತದ ಹೊಟ್ಟಿನಲ್ಲೇ ಬೆಳೆಯಬಹುದು.

ವಿಧಾನ:

• ಹುಲ್ಲನ್ನು 2-3 ಇಂಚು ಉದ್ದಕ್ಕೆ ಕತ್ತರಿಸಬೇಕು.
• ಅದನ್ನು ಗೋಣಿ ಚೀಲದಲ್ಲಿ ತುಂಬಿ ಶುದ್ಧ ನೀರಿನಲ್ಲಿ 6-8  ಗಂಟೆಗಳ ಕಾಲ ನೆನೆಸುವುದರಿಂದ ಹುಲ್ಲು ಮೃದುವಾಗುತ್ತದೆ.
• ಇದನ್ನು ನಂತರ ಕ್ರಿಮಿ ಕೀಟಗಳಿಲ್ಲದಂತೆ ಪ್ಯಾಶ್ಚರೀಕರಿಸಬೇಕು.
• ಪ್ಯಾಶ್ಚರೀಕರಿಸಲು ಒಂದು ಕುದಿ ಬಿಸಿ ನೀರಿನಲ್ಲಿ 40-60  ನಿಮಿಷಗಳ ತನಕ ಅದ್ದುವುದು, ಮತ್ತೊಂದು ಹಬೆಯ ಮೂಲಕ 5-6 ಗಂಟೆಗಳ ತನಕ ಉಪಚರಿಸುವುದು.
• ಪ್ಯಾಶ್ಚರೀಕರಿಸಿದ ಹುಲ್ಲನ್ನು ಶುದ್ಧ  ಜಾಲರಿಯಲ್ಲಿ ತೆಳುವಾಗಿ ಹರಡಿ 1  ರಾತ್ರೆ  ಇಟ್ಟರೆ ಅದರ ಆರ್ಧ್ರತೆ  ಕಡಿಮೆಯಾಗುತ್ತದೆ.
• ಆರ್ಧ್ರತೆಯನ್ನು  ತಿಳಿಯಲು ಒಂದು ಹಿಡಿ ಹುಲ್ಲನ್ನು ಹಿಡಿದು ಹಿಂದಿದರೆ ನೀರು ತೊಟ್ಟೂ ಬೀಳಬಾರದು.ಅದರಲ್ಲಿ  60-65 %  ನೀರಿನ ಅಂಶ ಇದೆ ಎಂದರ್ಥ.
• ನಂತರ 35X45 ಸೆಂ ಮೀ. ಅಳತೆಯ ಪಾಲಿಥೀನ್ ಚೀಲದಕ್ಕೆ ಮೃದುವಾಗಿ  ಹಂತ ಹಂತವಾಗಿ ತುಂಬಬೇಕು.
• ಪ್ರತೀ ಹಂತದಲ್ಲೂ  ಹುಲ್ಲಿನ ಮಧ್ಯಭಾಗಕ್ಕೆ ಸಮನಾಗಿ  ಹಾಲಣಬೆ  ಬೀಜಗಳನ್ನು ಹರಡಿ ಒಂದು ಚೀಲಕ್ಕೆ  ಸುಮಾರು 2.5 ರಿಂದ 3 ಕೆ ಜಿ ಹುಲ್ಲು ಮತ್ತು 125 -150 ಗ್ರಾಂ ಬೀಜವನ್ನು ತುಂಬಬಹುದು.
• ಚೀಲದ ತುದಿಗೆ 5  ಮತ್ತು  1.5 ಸೆಂ ಮೀ ಎತ್ತರದ ಪಿ ವಿ ಸಿ ಪೈಪುಗಳನ್ನು ಇಟ್ಟು ನೀರನ್ನು ಹೀರಿಕೊಳ್ಳದ ಹತ್ತಿಯಿಂದ ಮುಚ್ಚಿ ಚೀಲದ ಬಾಯಿಯನ್ನು ಕಟ್ಟಬೇಕು.

• ನಂತರ ಅದನ್ನು ತಂಪಿನ ಕೊಠಡಿಗೆ ವರ್ಗಾಯಿಸಬೇಕು.
• ಚೀಲಕ್ಕೆ ತೂತು ಮಾಡಬಾರದು, ಮಾಡಿದರೆ  ಅಣಬೆ ಹಾಳಾಗುತ್ತದೆ.
• ಸಂಗ್ರಹಣಾ ಮನೆಯಲ್ಲಿ ಯಾವಾಗಲೂ 28-35 ಡಿಗ್ರಿ ಸೆಲ್ಸಿಯಸ್ ಉಷ್ಣತೆ ಕಾಪಾಡಿಕೊಳ್ಳಬೇಕು.
• ಕೋಣೆಯಲ್ಲಿ ಇದನ್ನು ನಿರಂತರ ಪರಿವೀಕ್ಷಿಸುತ್ತಿರಬೇಕು.
• 20-25 ದಿನದಲ್ಲಿ ಅಣಬೆ ತಂತುಗಳು ಹುಟ್ಟಿಕೊಳ್ಳುತ್ತದೆ . ಚೀಲ ಬಿಳಿಯಾಗಿ ಕಾಣುತ್ತದೆ.
• ಅದನ್ನು ನಂತರ ಬೆಳೆ ತೆಗೆಯುವ ಕೊಠಡಿಯಲ್ಲಿ ಹರಡಿ ಸಮ ಮಾಡಬೇಕು.
• ಅದರ ಮೇಲೆ 2-3 ಸೆಂ ಮೀ ದಪ್ಪಕ್ಕೆ  ಭಾಗದಲ್ಲಿ ಕೇಸಿಂಗ್ ಮಣ್ಣನ್ನು ಹರಡ ಬೇಕು.
• ಕೇಸಿಂಗ್ ಮಣ್ಣು ಪ್ಯಾಶ್ಚರೀಕರಿಸಿದ ತಟಸ್ಥ ಮಣ್ಣಾಗಿರಬೇಕು.
• ತಕ್ಷಣವೇ ಪ್ಲಾಸ್ಟಿಕ್ ತೊಟ್ಟೆಯನ್ನು ಶಿಲೀಂದ್ರ ನಾಶಕದಲ್ಲಿ ಅದ್ದಿ ಸ್ವಚ್ಚ ಮಾಡಬೇಕು.
• ಮೂರನೇ ದಿನದಿಂದ ನೀರು ಹಾಕಲು ಆರಂಭಿಸಬೇಕು.
• 15-20 ದಿನಗಳ ನಂತರ ಮೊಳಕೆ ಕಾಣಿಸುತ್ತದೆ.
• 1 ಕಿಲೋ ಹುಲ್ಲಿಗೆ 1 ಕಿಲೋ ಅಣಬೆ ಉತ್ಪಾದನೆಯಾಗುತ್ತದೆ.
• ಬೆಳೆದ ಅಣಬೆಯನ್ನು ಶೈತ್ಯಾಗಾರದಲ್ಲಿ  20-25 ದಿನ ಸಂಗ್ರಹಿಸಿಡಬಹುದು.

ಸರಿಯಾಗಿ ಶುದ್ಧ ಗಾಳಿ ಬೆಳಕು ಕೋಣೆಯೊಳಗೆ ಸಂಚಾರವಾದರೆ,  ನಂತರದ   8-10 ದಿನದಲ್ಲಿ ಅಣಬೆ ಪೂರ್ತಿ ಬೆಳೆಯುತ್ತದೆ.

ತರಬೇತಿ:

• ಅಣಬೆಬೆಳೆಯುವ ಆಸಕ್ತರಿಗೆ ಬೆಂಗಳೂರಿನ  ಹೇಸರಘಟ್ಟದಲ್ಲಿರುವ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ತರಬೇತಿ ನೀಡುತ್ತದೆ.
• ಇಲ್ಲಿನ ಸೂಕ್ಷ್ಮಾಣು ಜೀವಿ  ವಿಭಾಗವನ್ನು ಇದಕ್ಕೆ  ಸಂಪರ್ಕಿಸಬೇಕು.
• ಆಗಾಗ ತರಬೇತಿ ಕಾರ್ಯಕ್ರಮಗಳು ಇರುತ್ತದೆ. ಆ ಸಮಯದಲ್ಲಿ ನೊಂದಣೆ ಮಾಡಿಕೊಳ್ಳಬೇಕು.

ಅತೀ ಕಡಿಮೆ ಸ್ಥಳಾವಕಾಶದಲ್ಲಿ ಶ್ರದ್ಧೆ ಇಟ್ಟು ಮಾಡಬಹುದಾದ ವೃತ್ತಿ ಇದು. ಇದರಲ್ಲಿ ಸಂಪಾದನೆಗೆ ಹೇರಳ ಅವಕಾಅಶ ಇದೆ. ಆದರೆ ಯಾವುದೇ  ರೀತಿಯಲ್ಲಿ  ಮಲಿನವಾಗದಂತೆ ಜಾಗರೂಕತೆ ವಹಿಸಬೇಕು.