ಅಲಂಕಾರಕ್ಕಾಗಿ ಮೀನು ಸಾಕುವುದೇ ಅಕ್ವೇರಿಯಂ. ಇದು ಕೃಷಿಕರಿಗೆ  ಹೊಂದುವ ಉಪ ವೃತ್ತಿ.
ಪುರಾತನ ಕಾಲದಿಂದಲೂ ಜನ ಆನಂದಕ್ಕಾಗಿ ಮೀನು ಸಾಕಣೆ ಮಾಡುತ್ತಿದ್ದರು. ರಾಜ ಮಹಾರಾಜರ ಕಾಲದಿದಲೂ ಇದು ಇತ್ತು ಎನುತ್ತಾರೆ. ಈಗ ಅಕ್ವೇರಿಯಂ ಮನೆಗೆ ಒಂದು ವಾಸ್ತು ಜೊತೆಗೆ ಪ್ರತಿಷ್ಟೆಯ ವಿಚಾರ.

• ಅಕ್ವೇರಿಯಂ ಅಥವಾ ಬಣ್ಣದ ಮೀನಿನ ವ್ಯವಹಾರ ಎಂದರೆ  ಸಣ್ಣದೇನಲ್ಲ.
• ಪ್ರಪಂಚದಲ್ಲಿ ಇದು  30,000 ಕೋಟಿಯ ವ್ಯವಹಾರ.
• ಇದರಲ್ಲಿ ಭಾರತದ ಪಾಲು 0.008 % ಮಾತ್ರ.  ಅವಕಾಶ ಮಾತ್ರ.

ನಮ್ಮ ದೇಶದಲ್ಲಿ  ಅಕ್ವೇರಿಯಂ ಒಳಗೆ ಸಾಕಬಹುದಾದ ನೂರಕ್ಕೂ  ಹೆಚ್ಚು ಮೀನು ಪ್ರಭೇಧಗಳಿವೆ. ನಮ್ಮ ರಾಜ್ಯದ ಪಶ್ಚಿಮ ಘಟ್ಟದ ನದಿ, ಹಳ್ಳ,ಗಳಲ್ಲಿ ಅಕ್ವೇರಿಯಂ ನಲ್ಲಿ ಸಾಕಬಹುದಾದ ಹಲವಾರು ಮೀನಿನ ಪ್ರಭೇಧಗಳು ಇವೆ.

• ಮೀನು ಮನೆ ಅಥವಾ ಅಕ್ವೇರಿಯಂ ಒಳಗೆ ಬಣ್ಣದ ಮೀನುಗಳನ್ನು ಸಾಕಲಾಗುತ್ತದೆ.
• ಇದು ಮನಃ ಶಾಂತಿಗೆ ಮತ್ತು ಮತ್ತು ಆರೋಗ್ಯಕ್ಕೆ  ಉತ್ತಮ ಎನ್ನಲಾಗುತ್ತದೆ.
• ಮೀನುಗಳನ್ನು ಗಾಜಿನ ಮನೆ ಮಾಡಿ ನೈಸರ್ಗಿಕವಾಗಿ ಅವು ಹೇಗೆ  ಬದುಕುತ್ತವೆಯೋ ಅದೇ ಪರಿಸ್ಥಿಯನ್ನು ಅದರ ಒಳಗೆ ನಿರ್ಮಿಸಿಕೊಡಲಾಗುತ್ತದೆ.

ಪ್ರಯೋಜನಗಳು:

• ಮೀನು ಒಂದು ಸುಂದರವಾದ ಅಲಂಕಾರಿಕ ಜಲಚರ.
• ಇವುಗಳು ನಮ್ಮ ಕಣ್ಣಮುಂದೆಯೇ ತಮ್ಮ ಚಟುವಟಿಕೆಗಳನ್ನು  ಮಾಡುತ್ತಾ ಇದ್ದಗ ಅದನ್ನು ನೋಡಿ ಅನಂದಿಸುವುದು ಪರಮಾನಂದವೆನಿಸುತ್ತದೆ.
• ಇದರ ವೀಕ್ಷಣೆಯಿಂದ ಮಾನಸಿಕ ಒತ್ತಡ ಕಡಿಮೆಯಾಗುವುದೆಂದು ಕಂಡು ಬಂದಿದೆ.
• ಮನೆಯ ಸೌಂದರ್ಯ ಹೆಚ್ಚುತ್ತದೆ.
• ಇದು ಮಕ್ಕಳ ಜ್ಞಾನ ವೃದ್ದಿಗೆ  ಸಹಕಾರಿ ಹಿರಿಯರು ಕಿರಿಯರು ಎಲ್ಲರೂ ನೋಡಿ ಅನಂದಿಸುವಂತದ್ದು.

ಅಕ್ವೇರಿಯಂ  ರಚನೆ ಹೇಗೆ:

•  ಗಟ್ಟಿಯಾದ  (un breakable)ಗಾಜಿನ ತುಂಡುಗಳನ್ನು ಜೊಡಿಸಿ ಮನೆ ನಿರ್ಮಾಣ ಮಾಡಲಾಗುತ್ತದೆ.
• ಮೀನುಗಳ ಸಂಖ್ಯೆಗನುಗುಣವಾಗಿ ಸಣ್ಣ – ದೊಡ್ದ ಮನೆ ಮಾಡಿಕೊಳ್ಳಬೇಕು.
• ಈ ಗಾಜುಗಳನ್ನು  ವಿಶಿಷ್ಟ ಅಂಟಿನ ಮೂಲಕ ಜೋಡಿಸಲಾಗುತ್ತದೆ.
• ನೀರು , ಜಲ ಸಸ್ಯಗಳು,  ಸಮತೋಲನದಲ್ಲಿದ್ದರೆ  ಮೀನುಗಳು ಹೆಚ್ಚು ಕಾಲ ಬದುಕಬಲ್ಲವು .
• ಇದಕ್ಕಾಗಿ ಇದರ ಒಳಗೆ ಅಲಂಕಾರಿಕ ಕಲ್ಲುಗಳು, ದೊಡ್ದ ಗಾತ್ರದ ಮರಳು,  ನೀರಿನಲ್ಲಿ ಬೆಳೆಯುವ ಪಾಚಿಯಂತಹ ಕೆಲವು ಸಸ್ಯಗಳು, ಕೆಲವು ಮರ ತುಂಡುಗಳನ್ನು  ಇಡಲೇ ಬೇಕಾಗುತ್ತದೆ.
• ಇದು ಮೀನುಗಳಿಗೆ ವಿರಮಿಸಲು ಅಗತ್ಯ.
• ಅಕ್ವೇರಿಯಂ ಮೇಲೆ  ವಿದ್ಯುತ್ ಬಲ್ಬ್ ಹಾಕಲೇ ಬೇಕು.
• ಇದು ನೀರಿನಿಂದ  4-5 ಇಂಚು ಮೇಲೆ ಇರಬೇಕು.
• ಚಳಿಗಾಲದಲ್ಲಿ ಹೆಚ್ಚು ಚಳಿ ಆಗದಂತೆ ಅಗತ್ಯವಿದ್ದರೆ  ಹೀಟರುಗಳನ್ನು  ಅಳವಡಿಸಬೇಕು.
•   ಯಾವಾಗಲೂ ಮೀನನ್ನು ಕೈಯಿಂದ ಮುಟ್ಟಬಾರದು. ಅದಕ್ಕೆ ಹ್ಯಾಂಡ್ ನೆಟ್ ಬಳಸಬೇಕು.

ತಿಂಗಳಿಗೊಮ್ಮೆ ನೀರನ್ನು ಬದಲಿಸಬೇಕಾಗುತ್ತದೆ. ಆಮ್ಲಜನಕ ಸರಬರಾಜು ಮಾಡಬೇಕಾಗುತ್ತದೆ. ಎರೇಟರುಗಳನ್ನು ಅಕ್ವೇರಿಯಂ ನಿಂದ ಮೇಲೆ ಇಡಬೇಕು.  ದಿನಾ  ಸಿದ್ದಪಡಿಸಿದ ಆಹಾರ ಕೊಡಬೇಕಾಗುತ್ತದೆ.

• ಅಗ್ಯತ್ಯ ಇರುವಾಗ ಪರೀನತರ ಸಲಹೆಯ ಮೇರೆಗೆ  ಪೊಟಾಶ್ಯೀಯಂ ಪರಮಾಂಗನೇಟ್  ಟೆಟ್ರಾ ಮೈಸಿನ್  ಮಿಥೇಲ್ ಬ್ಲೂ. ಉಪ್ಪು ಮುಂತಾದ ರಾಸಾಯನಿಕ ಪದಾರ್ಥ ಬಳಸಿ ಸ್ವಚ್ಚತೆ ಕಾಪಾಡಿಕೊಳ್ಳಬೇಕು’.

ಅಕ್ವೇರಿಯಂ  ಗೆ ಸೂಕ್ತ ಮೀನುಗಳು:

• ಗಪ್ಪಿ ಮೀನು
• ಮೋಲಿ ಮೀನು
• ಸ್ವೋರ್ಡ್ ಟೈಲ್ ಮೀನು.
• ಪ್ಲಾಟಿ ಮೀನು – ಇವು ಮರಿಹಾಕುವ ಮೀನುಗಳು.
• ಮೊಟ್ಟೆ ಇಡುವ ಮೀನುಗಳು
• ಗೋಲ್ಡ್ ಫಿಶ್ ಕೋಯಿ ಕಾರ್ಪ್
• ಟೈಗರ್ ಬಾರ್ಬ್
• ಟೆಟ್ರಾ ಡೇನಿಯೋ
• ಏಂಜೆಲ್
• ಫೈಟರ್
• ಗೌರಮಿ
• ಚಿಕ್ಲೆಟ್ – ಇವು ಚಾಲ್ತಿಯಲ್ಲಿರುವವುಗಳು.

ವೃತ್ತಿ ಮಾಡುವವರಿಗೆ ಹೇರಳ ಅವಕಾಶ ಇದೆ:

• ಅಕ್ವೇರಿಯಂ ಮೀನು ಸಾಕಾಣಿಕೆಗೆ ಪೂರಕವಾಗಿ ಸ್ವ ಉದ್ಯೋಗ ಮಾಡುವರೇ  ಸರಕಾರದಿಂದ ಸಹಾಯಧನವೂ  ಇದೆ. ತರಬೇತಿಯೂ  ಇದೆ.
• ಮೀನು ಮರಿ ಉತ್ಪಾದನೆಗೆ ಘಟಕದ ವರ್ಗಕ್ಕನ್ನುಗುಣವಾಗಿ 0.75 ಲಕ್ಷ  ,2 ಲಕ್ಷ   7.5 ಲಕ್ಷ  ಹಾಗೂ  ರಚಿಸಲ್ಪಟ್ತ ಮಾರುಕಟ್ಟೆ ಸಂಘ ಕ್ಕೆ  ಪ್ರೋತ್ಸಾಹ ಧನವಾಗಿ 5, ಲಕ್ಶ ತನಕ ಸಹಾಯಧನ ಇದೆ.
• ಇದಕ್ಕೆ ಬೆಂಬಲವಾಗಿ ಕೇಂದ್ರ ಸರಕಾರದ ರಾಷ್ಟ್ರೀಯ ಮೀನುಗಾರಿಕಾ ಅಭಿವೃದ್ದಿ ಮಂಡಳಿ,  ಹೈದರಾಬಾದ್ NFDB ಹಾಗೂ ಸಾಗರೋತ್ತರ ರಪ್ತು ಅಭಿವೃದ್ದಿ ಪ್ರಾಧಿಕಾರ MPEDA ಇವೆ. ತರಬೇತಿಗೆ ಸ್ಥಳೀಯ ಮೀನುಗಾರಿಕಾ ಇಲಾಖೆ ಇದೆ.
• ಮೀನುಗಾರಿಕಾ ಕಾಲೇಜಿನಲ್ಲೂ ತರಬೇತಿ ಸೌಲಭ್ಯ ಇದೆ.
• ಅಕ್ವೇರಿಯಂ  ಮೀನುಗಳ ರಪ್ತುಗಾಗಿ ಸರಕಾರ ಸಾಕಷ್ಟು  ವಿದೇಶೀ ವಿನಿಮಯವನ್ನು ವ್ಯಯಿಸುತ್ತಿದೆ.
• ಅದನ್ನು ಉಳಿಸಲು ಇದು ಪ್ರೋತ್ಸಾಹ.

ಅಕ್ವೇರಿಯಂ ತಯಾರಿಸಿ ಮಾರಾಟ ಮಾಡುವ  ವೃತ್ತಿಯನ್ನು ಆಯ್ಕೆ ಮಾಡಿಕೊಂಡ ಬಹಳ ಜನ ಆರ್ಥಿಕವಾಗಿ ಮೇಲೆ ಬಂದಿದ್ದಾರೆ.