ಕಲ್ಲಿನ ಕೂರೆಯ ಹುಡಿಯೂ ಉತ್ತಮ ಗೊಬ್ಬರ ಗೊತ್ತೇ?

by | Apr 6, 2020 | Research (ಸಂಶೋಧನೆ) | 0 comments

ಸಸ್ಯ ಪೋಷಕವಾಗಿ ನಮಗೆ ರಾಕ್ ಫೋಸ್ಫೇಟ್ ಬಳಕೆ ಗೊತ್ತು.ಇದು ಕಲ್ಲಿನ ಹುಡಿ. ಅದೇ ರೀತಿ ನಮ್ಮ ಸುತ್ತಮುತ್ತ ಬೇರೆ ಬೇರೆ  ಶಿಲೆಗಳನ್ನು ಕಾಣಬಹುದು. ಶಿಲೆಗಳೆಲ್ಲವೂ ಜ್ವಾಲಾಮುಖಿಯ ಮೂಲಕ ಸೃಷ್ಟಿಯಾದವುಗಳು.

  • ಅದರಲ್ಲಿ ಬೆಳೆ ಪೋಷಣೆಗೆ ಬೇಕಾಗುವ ವಿವಿಧ ಪೋಷಕಾಂಶಗಳು ಇವೆ. 
  • ಇದನ್ನುಮೊತ್ತ ಮೊದಲ ಬಾರಿಗೆ  ಮಂಡ್ಯದ ಕೃಷಿ ಮಹಾವಿಧ್ಯಾಲಯದ  ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.

ಭೂಮಿಯ ಮೇಲಿರುವ ಪ್ರತಿಯೊಂದು ಜೀವರಾಶಿಯ ಅಸ್ತಿತ್ವಕ್ಕೆ ಮಣ್ಣೇ ಆಧಾರ. ಬೆಳೆಗಳಿಗೆ ಮರಗಿಡಗಳಿಗೆ ಆಸರೆ ನೀಡುತ್ತದೆ. ಪೋಷಕಾಂಶವನ್ನು ಒದಗಿಸುತ್ತದೆ. ನೀರನ್ನುಹಿಡಿದಿಟ್ಟುಕೊಂಡು ಬೇಕಾದಾಗ ಪೂರೈಸುತ್ತದೆ.

  • ಮಣ್ಣು ಸಕಲ ಪೋಷಕಾಂಶಗಳನ್ನೂ ಒಳಗೊಂಡಿದೆ.
  • ನಾವು ಬೆಳೆಯುವ ಬೆಳೆಗಳ ಬೆಳೆವಣಿಗೆಗೆ ಬೇಕಾದ ಎಲ್ಲಾ ನಮೂನೆಯ ಪ್ರಧಾನ ಪೋಷಕಗಳು ಮತ್ತು ಅಪ್ರಧಾನ ಪೋಷಕಗಳು ಮತ್ತು ಲಘು ಪೋಷಕಗಳ ಮೂಲ ಮಣ್ಣೇ ಆಗಿರುತ್ತದೆ.
  • ಮಣ್ಣು ಎಂದರೆ ಅದರಲ್ಲಿ ಒಳಗೊಂಡ ಹಲವು ಬಗೆಯ ಶಿಲೆಗಳೂ ಇದರ ಆಕರ.

 

ಕಲ್ಲಿನ  ಪುಡಿಗಳು:

  • ರಾಜಸ್ಥಾನದ ಮಸ್ಸೂರಿಯ ಶಿಲೆಯ ಪುಡಿ ಶಿಲಾ ರಂಜಕ.
  • ಅದರ ನಯವಾದ ಪುಡಿಯೇ ಗೊಬ್ಬರ.
  • ಆದೇ ರೀತಿಯಲ್ಲಿ ಈಗ ಕೆಲವು ಪೋಷಕಾಂಶ ಪೂರೈಕೆದಾರರು ಜ್ವಾಲಾಮುಖಿಯ ಶೇಷಗಳನ್ನು ವಿದೇಶಗಳಿಂದ ಆಮದು ಮಾಡಿ ಪೋಷಕವಾಗಿ ಮಾರಾಟ ಮಾಡುತ್ತಿದ್ದಾರೆ.
  • ನಾವು ಬಳಕೆ ಮಾಡುವ ಡೊಲೋ ಮೈಟ್, ಅದೇ ರೀತಿ ಮೆಗ್ನಿಶಿಯಂ , ಕಬ್ಬಿಣ, ತಾಮ್ರ, ಸತು ಮ್ಯಾಂಗನೀಸ್, ಪೊಟ್ಯಾಶ್ ಎಲ್ಲವೂ ಒಂದೊಂದು ಬಗೆಯ ಶಿಲೆಗಳ  ಸಂಸ್ಕರಿತ ಜಿನುಗು ಪುಡಿಗಳೇ ಆಗಿವೆ.

 
 

ಕಲ್ಲಿನ ಹುಡಿ ಬಳಕೆ ವಿಧಾನ:

  •  ಕೆಲವು ಕೈಗಾರಿಕೆಗಳು ತಮ್ಮ ಉತ್ಪನ್ನಗಳ ತಯಾರಿಕೆಗೆ  ಶಿಲೆಗಳನ್ನು ಮೂಲವಸ್ತುವಾಗಿ ಬಳಸುತ್ತಾರೆ.
  • ಇದರಲ್ಲಿ ಎಲ್ಲವೂ ಬಳಕೆಯಾಗುವುದಿಲ್ಲ.
  • ಅದರ ಡಸ್ಟ್ ನಿರುಪಯುಕ್ತ ವಸ್ತುವಾಗಿರುತ್ತದೆ.
  • ಇದನ್ನು ಕೃಷಿಯಲ್ಲಿ ಬಳಕೆ ಮಾಡಬಹುದು.
  • ಸಿಮೆಂಟ್ ಉದ್ದಿಮೆಯಲ್ಲಿ  ಡೋಲೋಮೈಟ್ ಬಳಸುತ್ತಾರೆ.
  • ಅದಕ್ಕೆ ಬಳಕೆಯಾಗಿ ಉಳಿದ ತ್ಯಾಜ್ಯಗಳಲ್ಲಿ ಸುಣ್ಣದ ಮತ್ತಿನ್ನಿತರ ಅಂಶ ಇರುತ್ತದೆ.
  • ಅದೇ ರೀತಿಯಲ್ಲಿ ಮ್ಯಾಂಗನೀಸ್ ಅದಿರು ಬಳಸಿ ಅಲ್ಲಿ ನಿರುಪಯುಕ್ತವಾಗಿ  ಸಿಗುವ ಡಸ್ಟ್  ಮ್ಯಾಂಗನೀಸ್ ಸತ್ವದ ಪೋಷಕವಾಗಿರುತ್ತದೆ.
  • ಹೀಗೆ ಬೇರೆ ಬೇರೆ ಶಿಲೆಗಳು ಬೇರೆ ಬೇರೆ ಪೋಷಕಗಳನ್ನು ಹೊಂದಿರುತ್ತವೆ.

 
 

ಡಸ್ಟ್ ನ ಪ್ರಯೋಜನಗಳು:

  • ಇದು ನೈಸರ್ಗಿಕ ಪೋಷಕವಾಗಿದ್ದು, ಮಣ್ಣಿನ ಬೌತಿಕ ಸ್ಥಿತಿ ಸುಧಾರಣೆಗೆ ಇದು ಸಹಕಾರಿ. 
  • ಮಣ್ಣಿನಲ್ಲಿ  ಗಟ್ಟಿತನ ನಿವಾರಣೆಯಾಗಿ  ಗಾಳಿಯಾಡುವಿಕೆ ಮತ್ತು ನೀರು ಇಂಗುವಿಕೆಗೆ ಇದು ಅನುಕೂಲ ಮಾಡಿಕೊಡುತ್ತದೆ. 
  • ಮಣ್ಣಿನ ಸೂಕ್ಷ್ಮ ಜೀವಿಗಳ ಉಳಿವಿಗೆ ಈ ಪೋಷಕಗಳು ಸಹಕಾರಿ.
  • ಮಣ್ಣಿಗೆ ಸಮಸ್ಥಿತಿಯನ್ನುಒದಗಿಸಿ, ಸಸ್ಯಗಳಿಗೆ ರೋಗ ನಿರೋಧಕ ಶಕ್ತಿಯನ್ನು, ಬರ, ಕೀಟ,ರೋಗ ತಡಕೊಳ್ಳುವ ಶಕ್ತಿಯನ್ನು ಕೊಡುತ್ತದೆ. 
  • ರಾಸಾಯನಿಕ ಮೂಲದ ಗೊಬ್ಬರ, ಕೀಟನಾಶಕ, ರೋಗನಾಶಕದ ಬಳಕೆಯನ್ನು ಕಡಿಮೆ ಮಾಡುತ್ತದೆ.
  • ಮಣ್ಣಿನಲ್ಲಿ ಇಂಗಾಲದ ಅನುಪಾತವನ್ನು ಹೆಚ್ಚಿಸುತ್ತದೆ.
  • ಇದು ಧೀರ್ಘ ಕಾಲಿಕ ಫಲಿತಾಂಶವನ್ನು ಕೊಡುವ ಪೋಷಕಗಳಾಗಿವೆ. 

 
 

ಬಳಸುವ ವಿಧಾನ:

  •  ಮಣ್ಣಿನ ಸ್ಥಿತಿಗತಿಗನುಗುಣವಾಗಿ  ಕಲ್ಲಿನ ಹುಡಿಯ  ಬಳಕೆ  ಬದಲಾಗುತ್ತದೆ.
  • ಮರಳು ಮಣ್ಣಿಗೆ ಸಣ್ಣ ಗಾತ್ರದ   ಹುಡಿ, ಎರೆ ಮಣ್ಣಿಗೆ  ದೊಡ್ಡ ಗಾತ್ರದ ಕಣಗಳೂ ಬೇಕಾಗುತ್ತವೆ.
  • ಹೆಕ್ಟೇರಿಗೆ ಮಣ್ಣಿನ ಗುಣ ಹೊಂದಿ 5-10 ಟನ್ ತನಕ ರಾಕ್ ಡಸ್ಟ್ ಬಳಕೆ ಮಾಡಬಹುದು.
  • ಇದನ್ನು ಹೊಲಕ್ಕೆ ಬಳಕೆ ಮಾಡುವಾಗ ಕೊಟ್ಟಿಗೆ ಬಳಸಲೇ ಬೇಕು.  ಬಿತ್ತನೆ ಮಾಡುವ 15-20 ದಿನ ಮುಂಚೆ ಹೊಲಕ್ಕೆ ಸೇರಿಸಿ ಮಣ್ಣಿನಲ್ಲಿ ಮಿಶ್ರ ಮಾಡಿದರೆ ಅದರ ಫಲಿತಾಂಶ ಹೆಚ್ಚು.

 
 

ಕರ್ನಾಟಕದಲ್ಲಿ ರಾಕ್ ಡಸ್ಟ್:

  • ನಮ್ಮ ರಾಜ್ಯದಲ್ಲಿ  ಶಿಲೆಕಲ್ಲಿನ ಹಲವು ಕೋರೆಗಳಿದ್ದು, ಅಲ್ಲಿ ಎಂ ಸಾಂಡ್ ಹಾಗೂ ಇನ್ನಿತರ  ವಸ್ತುಗಳನ್ನು ತಯಾರಿಸುವಾಗ ದೊರೆಯುವ ನಿರುಪಯುಕ್ತ ಡಸ್ಟ್ ಸುಮಾರು 15 %. 
  • ಇದನ್ನು ಸಮರ್ಪಕವಾಗಿ ವಿಲೇವಾರಿ ಮಾಡುವುದೂ ಸಮಸ್ಯೆ.
  • ಇದನ್ನು ಹೊಲಗಳಿಗೆ ಪೋಷಕವಾಗಿ  ಬಳಕೆ ಮಾಡಬಹುದು. ಇದು ತೀರಾ ಅಗ್ಗವಾದ ಪೋಷಕ, ವಾಗಿದೆ.

 
 

ರಾಸಾಯನಿಕ ಗುಣಲಕ್ಷಣ:

  • ಶಿಲೆಯ ಪುಡಿಯ ರಸಸಾರ ತಟಸ್ಥ. ಪ್ರಧಾನ ಹಾಗೂ ಲಘು ಪೋಷಕವಾದ ರಂಜಕ 0.85, ಪೊಟ್ಯಾಶ್ 5.35  ಕ್ಯಾಲ್ಲ್ಸಿಯಂ 6.48,  ಮೆಗ್ನಿಶಿಯಂ 3.96 ಶೇಕಡಾವಾರು. 
  • ಒಟ್ಟು ಸೂಕ್ಷ್ಮ ಪೋಷಕಾಂಶಗಳಾದ ಕಬ್ಬಿಣ 27.20 %, ಮ್ಯಾಂಗನೀಸ್ 0.41,  ತಾಮ್ರ 0.23, ಸತು 0.36 ಮಿಲಿ ಗ್ರಾಂ/ ಕಿಲೋ ದಂತೆ ಕಂಡು ಬಂದಿದೆ.
  • ಇದು ಪ್ರದೇಶವಾರು ಬದಲಾವಣೆ ಆಗುತ್ತದೆ.

 
 
ಕಸದಿಂದ ರಸ ಎನ್ನುವ ಹಾಗೇ ಭಾರತದ ಕೃಷಿ ಸಂಶೋಧನೆಯಲ್ಲಿ ಈ ವಿಷಯವಾಗಿ ಮೊತ್ತ ಮೊದಲ ಬಾರಿಗೆ ಮಂಡ್ಯದ ಕೃಷಿ ಮಹಾವಿಧ್ಯಾಲಯದಲ್ಲಿ ಈ ಸಂಶೋಧನೆ ಕೈಗೊಳ್ಳಲಾಗಿದೆ.
ಲೇಖಕರರು ಮತ್ತು ಸಂಶೋಧಕರು: ಪೂಜಾ ಎಸ್ ಪಿ , ಡಾ|| ಎಸ್ ಎಸ್ ಪ್ರಕಾಶ್ ಮತ್ತು ಡಾ|| ಟಿ  ಭಾಗ್ಯಲಕ್ಷ್ಮಿ, ಮಣ್ಣು ವಿಜ್ಞಾನ ಮತ್ತು ಕೃಷಿ ರಸಾಯನ ಶಾಸ್ತ್ರ ವಿಭಾಗ. ಕೃಷಿ ಮಹಾವಿಧ್ಯಾಲಯ ಮಂಡ್ಯ.
 

0 Comments

Submit a Comment

Your email address will not be published.

Get in Touch

For all kinds of inquiries, regarding the Krushiabhivruddi website and its other media channels, including corporate advertising contact us on 

[email protected]
+91-9663724066

ಒಂದು ಎಕ್ರೆಯಲ್ಲಿ ಮಿಶ್ರ ಬೆಳೆಯಿಂದ ಕನಿಷ್ಟ 3 ಲಕ್ಷ ಆದಾಯ ಗಳಿಸುವ ರೈತ.

Categories

error: Content is protected !!