ಕುರಿ – ಮೇಕೆಗಳು ತೂಕ ಬರುವುದು ಹೀಗೆ.

by | Feb 16, 2020 | Animal Husbandry (ಪಶುಸಂಗೋಪನೆ) | 0 comments

ಆಡು ಸಾಕುವುದು ಬ್ಯಾಂಕಿನಲ್ಲಿ ದುಡ್ಡು ಇಟ್ಟಂತೆ. ಇದನ್ನು ಯಾವಾಗ ಬೇಕಾದರೂ ನಗದೀಕರಣ ಮಾಡಿಕೊಳ್ಳಬಹುದು.  ಇದಕ್ಕೆ ಹೂಡಿದ ಬಂಡವಾಳ  ಒಂದೇ ವರ್ಷದಲ್ಲಿ ದ್ವಿಗುಣ. ಆ ಕಾರಣಕ್ಕೆ ಆಡು ಸಾಕಣಿಕೆ ಒಂದು ಕೃಷಿ ಪೂರಕ  ವೃತ್ತಿಯಾಗಿ ಬೆಳೆಯುತ್ತಿದೆ.

goats

  • ಬರೇ ಆಡನ್ನು ಎಲ್ಲೆಂದರಲ್ಲಿ ಮೇಯಲು ಬಿಟ್ಟಾಕ್ಷಣ  ಅದು ತನ್ನ ದೇಹದ ತೂಕವನ್ನು ಹೆಚ್ಚಿಸಿಕೊಳ್ಳಲಾರದು.
  • ಅದಕ್ಕೆ  ಪೌಷ್ಟಿಕ, ಮೇವು ಮತ್ತು ಆಹಾರ ನೀಡಿದಾಗ ಮಾತ್ರ ಅದು ತೂಕ ಬರುತ್ತದೆ. ಬೇಗ ಮರಿ ಹಾಕುತ್ತದೆ.

ಪೌಷ್ಟಿಕ ಮೇವು ಯಾವುದು:

subabul plant leaf good fodder

ಸುಬಾಬುಲ್ ಸೊಪ್ಪು ಮೇಕೆಗೆ ಪ್ರಿಯ

  • ಹಾಲು ಕೊಡುತ್ತಿರುವ ಆಡಿಗೆ  ದಿನಕ್ಕೆ  5-15 ಕಿಲೋ ಗ್ರಾಂ ಹಸುರು ಮೇವು ಬೇಕು
  •  ಬರೇ ಹಸುರು ಮೇವು ಅಲ್ಲದೆ ,1-2 ಕಿಲೋ ಗ್ರಾಂ ಒಣ ಮೇವು ಅಗತ್ಯವಾಗಿ ಕೊಡಬೇಕು.
  • ದಿನಕ್ಕೊಮ್ಮೆ ಬೆಳಗ್ಗೆ 9 ರಿಂದ  ಸಂಜೆ 5 ಗಂಟೆ ತನಕ ಮೇಯಲು ಬಿಡುವಾಗ ಅದನ್ನು ಸಾದ್ಯವಾದಷ್ಟು ಬೆಳೆ ತೆಗೆದು ಬಿಟ್ಟ ಹೊಲಗಳಿಗೆ ಮೇಯಲು ಬಿಡಬೇಕು.
  • ಅಲ್ಲಿ ಬೆಳೆ ಉಳಿಕೆಗಳನ್ನು ತಿಂದರೆ ಅದರಲ್ಲಿರುವ ಸಾರಾಂಶಗಳು ಆಡನ್ನು ಪುಷ್ಟಿಯಾಗಿ ಬೆಳೆಸುತ್ತವೆ.
  • ಜಾಲೀ ಗಿಡಗಳು, ಹಲಸಿನ ಸೊಪ್ಪು, ಬೈನೆ ಮರದ ಸೊಪ್ಪು ಆಡಿಗೆ ಇಷ್ಟವಾದ ಮೇವು.
  • ಇದನ್ನು ತಿನ್ನಲು ಬಿಡಬೇಕು.  ಸೊಪ್ಪು ಆಡುಗಳ ದೇಹ ಪೋಷಣೆಗೆ ಉತ್ತಮ ಮೇವು.
  • ಇದನ್ನು ತಂದು ಹಾಕಿದರೆ ಅಡುಗಳು ಬೇಗ ತೂಕ ಬರುತ್ತವೆ.
  • ಹಿಪ್ಪು ನೇರಳೆ ವ್ಯವಸಾಯ ಮಾಡುವಲ್ಲಿ ದೊರೆಯುವ ಕಡ್ಡಿ ಮತ್ತು ನಿರುಪಯುಕ್ತ  ದಂಟು ಸಹ ಪೌಷ್ಟಿಕ ಆಹಾರ.
  • ಈ ಮೇವಿನಲ್ಲಿಯೂ ಸಾರಾಂಶಗಳು ಉತ್ತಮವಾಗಿರುತ್ತವೆ.

ಗ್ಲೆರಿಸೀಡಿಯಾ ಸೊಪ್ಪು, ಸುಬಾಬುಲ್ ಸೊಪ್ಪು, ಕ್ಯಾಲಿಯಾಂಡ್ರಾ ಸೊಪ್ಪು, ಜೋಳದ ಎಳೆ ಸಸ್ಯ( ಹೈಡ್ರೋಫೋನಿಕ್ಸ್) ಹಾಗೂ ಸಾರಜನಕ ಸ್ಥಿರೀಕರಿಸುವ ದ್ವಿದಳ ಸಸ್ಯಗಳನ್ನು  ತಿನ್ನಿಸಿದರೆ ಆಡು ಸದ್ಧೃಢ.

 ದಾಣಿ ಮಿಶ್ರಣ:

  • ಬರೇ ಮೇವು ಮಾತ್ರ ಅಡಿನ ತೂಕ ಹೆಚ್ಚಳಕ್ಕೆ  ಸಾಕಾಗುವುದಿಲ್ಲ.
  •   ದಾಣಿ ಮಿಶ್ರಣವನ್ನು ಕೊಟ್ಟರೆ ಮೇವಿನಿಂದ ದೊರೆತ ಸಾರಗಳ ಫಲ ದೇಹಕ್ಕೆ ಫಲಪ್ರದವಾಗಿ ದೊರೆಯುತ್ತದೆ.
  •  ದಾಣಿ ಮಿಶ್ರಣವಾಗಿ  ದಿನಕ್ಕೆ  ಒಂದು ಆಡಿಗೆ ಸುಮಾರು 1- 1.5  ಕಿಲೋ ಗ್ರಾಮ್  ಆಹಾರ ಕೊಡಬೇಕು.
  • ದಾಣಿ ಮಿಶ್ರಣದಲ್ಲಿ  ಜೋಳ, ಗೋವಿನ ಜೋಳ, ರಾಗಿ, ಸಜ್ಜೆ, ಮೊದಲಾದ ಏಕದಳ ಧಾನ್ಯಗಳನ್ನು ಸೇರಿಸಬೇಕು.
  • ಹುರುಳಿ , ಅಲಸಂಡೆ, ಅವರೆ ಮುಸುಕಿ , ಹೆಸರು, ಶೇಂಗಾ , ಕಡಲೆ ಚವಳಿ, ತೊಗರಿ, ಮುಂತಾದ ದ್ವಿದಳ ಧಾನ್ಯಗಳ ನುಚ್ಚನ್ನು ಸೇರಿಸಬೇಕು.
  • ಇವುಗಳಲ್ಲಿ ಸಾರಜನಕ ವಸ್ತುಗಳು ಅಧಿಕವಾಗಿರುವ ಕಾರಣ ಬೆಳವಣಿಗೆ  ಉತ್ತಮವಾಗಿರುತ್ತದೆ.
  • ಹಾಲೂ ಹೆಚ್ಚು ಕೊಡುತ್ತದೆ.  ಮಾಂಸ ಖಂಡಗಳು ಬೆಳೆಯುತ್ತವೆ.
  • ದಾಣಿ ಮಿಶ್ರಣದ ಖರ್ಚನ್ನು ಹಾಲಿನಿಂದ ಪಡೆಯುವಂತಿರಬೇಕು.

ಪೌಷ್ಟಿಕ ತಿಂಡಿ ಮಿಶ್ರಣ:

ತಿಂಡಿ ಮಿಶ್ರಣವನ್ನು ತಯಾರಿಸುವಾಗ ಮೂಲವಸ್ತುಗಳನ್ನು ಇಂತಿಷ್ಟೇ ಪ್ರಮಾಣದಲ್ಲಿ ಸೇರಿಸಿರಬೇಕು.

  1. ಶೇ. 20 ಗೋದಿ ಬೂಸಾ, ಶೇ. 52 ಗೋವಿನ ಜೊಳದ ಹುಡಿ, ಮತ್ತು ಶೇ. 25 ನೆಲಕಡ್ಲೆ ಹಿಂಡಿ.
  2. 30% ಗೋವಿನ ಜೋಳದ ಹುಡಿ, 37% ಜೋಳದ ನುಚ್ಚು 10% ಶೇಂಗಾ ಹಿಂಡಿ ಮತ್ತು 20% ಬೇಳೆ ಕಾಳಿನ ಹೊಟ್ಟು.
  3. 22 % ಗೋಧಿ  ಬೂಸಾ, 50% ಹುರುಳಿ ಮತ್ತು 25% ಶೆಂಗಾ ಹಿಂಡಿ.
  4. ಶೇ.15  ಶೇಂಗಾ ಹಿಂಡಿ, ಶೇ. 40  ಹುರುಳಿ ನುಚ್ಚು,37 %  ಗೋವಿನ ಜೋಳ,  ಮತ್ತು ಶೇ. 5  ದ್ವಿದಳ ಕಾಳಿನ ಸಿಪ್ಪೆ .

ಈ ನಾಲ್ಕು ಕ್ರಮದಲ್ಲಿ ತಯಾರಿಸಿದ ದಾಣಿ ಮಿಶ್ರಣ ಅಧಿಕ ಪೌಷ್ಟಿಕ ಆಹಾರವಾಗಿದ್ದು, ಹಾಲನ್ನೂ  ಹೆಚ್ಚು ಕೊಡಬಲ್ಲುದು, ದೇಹದ ಬೆಳವಣಿಗೆಯೂ ಶೀಘ್ರವಾಗಿ ಆಗುವುದು. ಮರಿಯೂ ಬೇಗ ಹಾಕುವುದು.

ಬರೇ ಇಷ್ಟೇ ಅಲ್ಲದೆ ಈ ಎಲ್ಲಾ ಮಿಶ್ರಣಕ್ಕೆ ಶೇ.1 ರಷ್ಟು ಉಪ್ಪು ಮತ್ತು ಶೇ. 2 ರಷ್ಟು ಖನಿಜ ಪುಡಿ ಸೇರಿಸುವುದರಿಂದ ಇದು ಇನ್ನೂ ಪೌಷ್ಟಿಕವಾಗುತ್ತದೆ.

 
 

0 Comments

Submit a Comment

Your email address will not be published. Required fields are marked *

Get in Touch

For all kinds of inquiries, regarding the Krushiabhivruddi website and its other media channels, including corporate advertising contact us on 

support@krushiabhivruddi.com
+91-9663724066

ಒಂದು ಎಕ್ರೆಯಲ್ಲಿ ಮಿಶ್ರ ಬೆಳೆಯಿಂದ ಕನಿಷ್ಟ 3 ಲಕ್ಷ ಆದಾಯ ಗಳಿಸುವ ರೈತ.

Categories

error: Content is protected !!