ಮೊದಲ ವರ್ಷದ ಅಡಿಕೆ ಸಸಿಗೆ ಎಷ್ಟು ಗೊಬ್ಬರ ಕೊಡಬೇಕು

by | Jun 5, 2020 | Arecanut (ಆಡಿಕೆ), Manure (ಫೋಷಕಾಂಶ) | 0 comments

ಅಡಿಕೆ ಮರಗಳು – ಸಸಿಗಳಿಗೆ  , ತೆಂಗಿನ ಮರದ  ಹಾಗೆಯೇ ಇನ್ನಿತರ ಎಲ್ಲಾ ಧೀರ್ಘಾವಧಿ ಬೆಳೆಗಳಲ್ಲಿ ಮುಂಗಾರು ಮಳೆ ಪ್ರಾರಂಭವಾಗುವ ಸಮಯದಲ್ಲಿ ಹೊಸ ಬೇರುಗಳ ಉತ್ಪತ್ತಿ ಜಾಸ್ತಿ. ಹೊಸ ಬೇರು ಮೂಡುತ್ತದೆ. ಹಳೆ  ಬೇರು ಹೆಚ್ಚು ಚುರುಕಾಗಿ ಆಹಾರ ಬಯಸುತ್ತವೆ. ಈ ಸಮಯದಲ್ಲಿ  ಕೊಡುವ ಪೋಷಕಾಂಶ ಅದರ ತುರ್ತು ಅಗತ್ಯಕ್ಕೆ ಲಭ್ಯವಾಗಿ ಬೆಳೆವಣಿಗೆಗೆ ಸಹಾಯಕವಾಗುತ್ತದೆ. ನೆಟ್ಟ ಮೊದಲ ವರ್ಷದ ಅಡಿಕೆ ಸಸಿಗೆ ಎಷ್ಟು ಗೊಬ್ಬರ ಕೊಡಬೇಕು ಎಂಬುದರ ಮಾಹಿತಿ ಇಲ್ಲಿದೆ.

  • ಎಲ್ಲಾ ನಮೂನೆಯ ಧೀರ್ಘಾವಧಿ ಬೆಳೆಗಳಿಗೆ ಅವುಗಳ ವಯಸ್ಸಿಗನುಗುಣವಾಗಿ ಪೊಷಕಗಳನ್ನು  ಕೊಡಬೇಕು.
  • ಎಳೆ ಗಿಡಕ್ಕೆ ಬೇರೆ, ಸ್ವಲ್ಪ ಬೆಳೆದ ಗಿಡಕ್ಕೆ ಬೇರೆ, ಫಸಲು  ಕೊಡುತ್ತಿರುವುದಕ್ಕೆ  ಬೇರೆ  ಪ್ರಮಾಣದಲ್ಲಿ ಪೋಷಕಗಳನ್ನು  ಕೊಡಬೇಕು.
  • ಅದೇ ರೀತಿಯಲ್ಲಿ ಕಚ್ಚಾ ಗೊಬ್ಬರ ಆದರೆ ಎಷ್ಟು  ಹಾಗೂ ಕಾಂಪ್ಲೆಕ್ಸ್ ಗೊಬ್ಬರ  ಆದರೆ ಯಾವುದು ಕೊಡಬೇಕು ಎಂಬುದನ್ನು ಲೆಕ್ಕಾಚಾರ ಹಾಕಿ ಕೊಡಬೇಕು.

 ಈಗ ಗೊಬ್ಬರ ಕೊಟ್ಟರೆ ಪ್ರಯೋಜನ:

first year growth -ಒಂದು ವರ್ಷಕ್ಕೆ ಇಷ್ಟು ಸಸಿ ಬೆಳೆಯಬೇಕು.

  • ಅಡಿಕೆ ಮರ/ ಸಸಿಗಳಿಗೆ ಗೊಬ್ಬರ ಕೊಡುವಾಗ ಕನಿಷ್ಟ ಮೂರು ಕಂತುಗಳಲ್ಲಿ ಗೊಬ್ಬರಗಳನ್ನು  ಕೊಡಬೇಕು.
  • ಅಲ್ಲದೆ ಪ್ರತೀ ವರ್ಷ ಮುಂಗಾರು ಮಳೆ ಪ್ರಾರಂಭದ ಸಮಯದಲ್ಲಿಯೇ ಕೊಟ್ಟಿಗೆ ಗೊಬ್ಬರವನ್ನು ಕೊಡಬೇಕು.
  • ಈ ಸಮಯ ಸಸ್ಯಬೆಳವಣಿಗೆಯ  ಪ್ರಮುಖ ಕಾಲಘಟ್ಟವಾಗಿರುತ್ತದೆ.
  • ಅದನ್ನು ಇನ್ನಷ್ಟು ಉತ್ತೇಜಿಸಲು ಈಗ ಗೊಬ್ಬರ ಕೊಡಲೇ ಬೇಕು.
  • ಈ ಸಮಯದಲ್ಲಿ ಸಸಿಯ ಬೆಳೆವಣಿಗೆ ಬೂಸ್ಟಿಂಗ್ ಆದರೆ ಮತ್ತೆ ಚೆನ್ನಾಗಿಯೇ ಇರುತ್ತದೆ.
  • ಮಣ್ಣು  ಸಡಿಲವಾಗಿರುತ್ತದೆ, ಸಾಕಷ್ಟು ತೇವಾಂಶ ಇರುತ್ತದೆ, ಈ  ಕಾರಣ ಬೇರು ಚೆನ್ನಾಗಿ ಬೆಳೆದು ಎಲ್ಲಾ ಪೋಷಕಗಳು ಸಸಿ/ಮರಕ್ಕೆ  ಲಭ್ಯವಾಗುತ್ತದೆ.

ಒಂದು ವರ್ಷದ ಅಡಿಕೆ ಸಸಿಗೆ:

  • ವರ್ಷಕ್ಕೆ ಒಮ್ಮೆ ಸುಮಾರು 5 ಕಿಲೋ ಒಣ  ತೂಕದ ಪ್ರಮಾಣದಲ್ಲಿ  ಕೊಟ್ಟಿಗೆ ಗೊಬ್ಬರ ಅಥವಾ, ಕೋಳಿ ಗೊಬ್ಬರ ಅಥವಾ ಕುರಿ ಗೊಬ್ಬರವನ್ನು ಕೊಡಬೇಕು.
  • ಇದು 10 ಕಿಲೋ ಆದರೂ ತೊಂದರೆ ಇಲ್ಲ. ಇದು ಒಣ ತೂಕದ್ದು ಎಂಬುದು ನೆನಪಿರಲಿ.
  • ಈ ಸಮಯದಲ್ಲಿ ಕೊಡುವ ಗೊಬ್ಬರ  ಸಾಕಷ್ಟು ತೇವಾಂಶ ಇರುವ ಕಾರಣ ಮಣ್ಣಿನಲ್ಲಿ ವಿಲೀನವಾಗಿ ಸಸ್ಯಗಳಿಗೆ  ದೊರೆತು ಅದರ ಫಲಿತಾಂಶ ಸಿಗುತ್ತದೆ.

ಪ್ರಮಾಣ:

  • ರಾಸಾಯನಿಕ ಗೊಬ್ಬರ ಕೊಡುವಾಗ  ಎಳೆಯ ಸಸಿಗಳಿಗೆ ಕಾಂಪ್ಲೆಕ್ಸ್ ಗೊಬ್ಬರವನ್ನು ಕೊಡುವುದು ಉತ್ತಮ.
  • ಅಧಿಕ ಮಳೆಯಾಗುವ ಹುಳಿ ಮಣ್ಣಿಗೆ  ನೈಟ್ರೋಫೋಸ್ಫೇಟ್ ಗೊಬ್ಬರವಾದ  15:15:15  (ಸುಫಲಾ) ಗೊಬ್ಬರ ಉತ್ತಮ.
  • ಉಳಿದ ಕಡೆಗೂ ಅದು ಅಗಬಹುದು ಇಲ್ಲವಾದರೆ  17:17:17 ಗೊಬ್ಬರ ಉತ್ತಮ.

ಒಂದು ವರ್ಷದ ಅಡಿಕೆ ಗಿಡಕ್ಕೆ ವರ್ಷಕ್ಕೆ 35 ಗ್ರಾಂ ಸಾರಜನಕ, 15  ಗ್ರಾಂ ರಂಜಕ ಮತ್ತು 45  ಗ್ರಾಂ ಪೊಟ್ಯಾಶ್ ಬೇಕು. ಇಷ್ಟನ್ನು ಮೂರು ಸಮ ಕಂತುಗಳ ಮೂಲಕ ಕೊಡಬೇಕು.17:17:17  ಗೊಬ್ಬರದಲ್ಲಿ 2% ಪೋಷಕಗಳು ಹೆಚ್ಚು ಇರುತ್ತದೆ. ಮೇಲಿನ ಪ್ರಮಾಣದಷ್ಟೇ ಕೊಟ್ಟರೆ ತೊಂದರೆ ಇಲ್ಲ.

  • ಬೇಸಿಗೆಯಲ್ಲಿ ಪ್ರತೀ ತಿಂಗಳೂ ಕೊಡುವವರು ಮಳೆಗಾಲ ಪ್ರಾರಂಭದಲ್ಲಿ 1/3   ಭಾಗವನ್ನು ಕೊಟ್ಟು ಉಳಿದ  ಪ್ರಮಾಣವನ್ನು ಸಪ್ಟೆಂಬರ್ ನಂತರ ಪ್ರತೀ ತಿಂಗಳಿಗೆ ಬೇಕಾದಂತೆ ಹಂಚಿಕೊಳ್ಳಬೇಕು.
  • ಕಾಂಪ್ಲೆಕ್ಸ್ ಗೊಬ್ಬರ ಕೊಡುವಾಗ ಪ್ರತೀ ಮರಕ್ಕೆ ಸುಫಲಾ 100  ಗ್ರಾಂ ಪ್ರಮಾಣದಲ್ಲಿ ಕೊಟ್ಟರೆ ಪ್ರತೀ ಸಸಿಗೆ 15  ಗ್ರಾಂ NPK  ಕೊಟ್ಟಂತೆ ಆಗುತ್ತದೆ.
  • ಆಗ ತಾನೇ ನೆಟ್ಟ ಗಿಡಕ್ಕೆ ಪ್ರತೀ ಗಿಡಕ್ಕೆ ಕಾಂಪೋಸ್ಟ್ ಗೊಬ್ಬರದ ಜೊತೆಗೆ 50 ಗ್ರಾಂ NPK  ಗೊಬ್ಬರ ಕೊಡಬೇಕು.
  • ಇಡೀ ವರ್ಷದ ರಂಜಕದ ಅಗತ್ಯ ಇದರಲ್ಲಿ ಮುಗಿಯುತ್ತದೆ.
  • ಮುಂದೆ ಕೊಡಬೇಕಾಗುವುದು ಸಾರಜನಕ ಮತ್ತು ಪೊಟ್ಯಾಶಿಯಂ ಮಾತ್ರ.
  • ಇದನ್ನು ಸಾಂಪ್ರದಾಯಿಕ ಗೊಬ್ಬರವಾದ ಯೂರಿಯಾ ಮತ್ತು ಮ್ಯುರೇಟ್ ಆಫ್ ಪೊಟ್ಯಾಶ್ ರೂಪದಲ್ಲಿ ಕೊಡಬಹುದು.
  • ಮುಂದೆ ಸಪ್ಟೆಂಬರ್ ತಿಂಗಳಲ್ಲಿ ಒಮ್ಮೆಲೇ ಕೊಡುವುದಾದರೆ 50  ಗ್ರಾಂ ಯೂರಿಯಾ, ಮತ್ತು 50  ಗ್ರಾಂ ಮ್ಯುರೇಟ್ ಆಫ್ ಪೊಟ್ಯಾಶ್ ಸಾಕಾಗುತ್ತದೆ.
  • ಇದನ್ನು ಹನಿ ನೀರಾವರಿಯ ಮೂಲಕ ಕೊಡುವುದಾದರೆ ಮಾಸಿಕ ಒಂದು ಗಿಡಕ್ಕೆ 6-7  ಗ್ರಾಂ ಪ್ರಮಾಣದಲ್ಲಿ ಸಾಕಾಗುತ್ತದೆ.

ದ್ವಿತೀಯ ಪೋಷಕಾಂಶ:

  • ಬರೇ NPK ಅಲ್ಲದೆ ಸಸ್ಯಕ್ಕೆ ಮಳೆಗಾಲ ಪ್ರಾರಂಭವಾಗುವ ಸಮಯದಲ್ಲಿ ಒಂದು ಗಿಡಕ್ಕೆ  10  ಗ್ರಾಂ ಪ್ರಮಾಣದಲ್ಲಿ ಮೆಗ್ನೀಶಿಯಂ ಸಲ್ಫೇಟ್ ಮತ್ತು 5  ಗ್ರಾಂ ಸತುವಿನ ಸಲ್ಫೇಟು ಮತ್ತು 50  ಗ್ರಾಂ ಪ್ರಮಾಣದಲ್ಲಿ ಕ್ಯಾಲ್ಸಿಯಂ ಕೊಡಬೇಕು.
  • ಇದು ಎಳವೆಯಲ್ಲಿ ಗಿಡಕ್ಕೆ ಅಂತರ್ಗತ ಶಕ್ತಿಯನ್ನು ಹೆಚ್ಚಿಸಿ ಕೊಡುತ್ತದೆ.

ಈ ಪ್ರಮಾಣವನ್ನು ಕರಾರುವಕ್ಕಾಗಿ ಪಾಲಿಸಲು ಅನುಕೂಲವಾಗಬೇಕಾದರೆ 200 ಲೀ. ನೀರಿನ ಬ್ಯಾರಲ್ ಗೆ 3 ಕಿಲೋ ಸುಫಲಾ ಗೊಬ್ಬರವನ್ನು ಹಾಕಿ ಕಲಕಿ  ಒಂದು ಮರಕ್ಕೆ 1 ಲೀ. ಪ್ರಮಾಣದಲ್ಲಿ ಎರೆಯಬೇಕು. ಉಳಿದುದನ್ನೂ ಇದೇ ರೀತಿ ಪ್ರಮಾಣ ಲೆಕ್ಕಾಚಾರ (2 ಕಿಲೋ ಮೆಗ್ನೀಶಿಯಂ ಸಲ್ಫೇಟ್+ ಕಿಲೋ ಸತುವಿನ ಸಲ್ಫೇಟ್  ಮಿಶ್ರಣ ಮಾಡಿ)  ಪ್ರತೀ ಗಿಡಕ್ಕೆ  1 ಲೀ. ಪ್ರಮಾಣದಲ್ಲಿ ಹಾಕಬೇಕು.

ಸುಣ್ಣವನ್ನು ಮಳೆ ಬರುವ ಸಮಯದಲ್ಲಿ ಗೊಬ್ಬರ ಕೊಡುವ 7  ದಿನಕ್ಕೆ ಮುಂಚೆ  ಬೇರು ಹಬ್ಬಿರುವ ಜಾಗಕ್ಕೆಲ್ಲಾ ಬುಡ ಭಾಗಕ್ಕೆ ಹರಡಬೇಕು. ಅಡಿಕೆ ಸಸಿಯನ್ನು ಎಳೆವೆಯಲ್ಲಿ ಆರೋಗ್ಯವಾಗಿ ಬೆಳೆಸಿದರೆ ಮಾತ್ರ ಅದರ ಭವಿಷ್ಯದ ಬೆಳೆವಣಿಗೆ ಉತ್ತಮವಾಗುತ್ತದೆ. ಎಳೆ ಪ್ರಾಯದ 3-4  ವರ್ಷದ ಬೆಳೆವಣಿಗೆ ಇಡೀ ಜೀವಮಾನದ ಬೆಳೆವಣಿಗೆಯನ್ನು ನಿರ್ಧರಿಸುತ್ತದೆ.

0 Comments

Submit a Comment

Your email address will not be published.

Get in Touch

For all kinds of inquiries, regarding the Krushiabhivruddi website and its other media channels, including corporate advertising contact us on 

[email protected]
+91-9663724066

ಒಂದು ಎಕ್ರೆಯಲ್ಲಿ ಮಿಶ್ರ ಬೆಳೆಯಿಂದ ಕನಿಷ್ಟ 3 ಲಕ್ಷ ಆದಾಯ ಗಳಿಸುವ ರೈತ.

Categories

error: Content is protected !!