ರಬ್ಬರ್ ಜೇನು ಎಷ್ಟು ಉತ್ತಮ?

by | Jan 15, 2020 | Beekeeping (ಜೇನು ವ್ಯವಸಾಯ) | 0 comments

ರಬ್ಬರ್ ಮರದಲ್ಲಿ ಚಿಗುರುವ ಸಮಯದಲ್ಲಿ ಎಲೆ ಭಾಗದಲ್ಲಿ ಒಂದು ರಸ ಸ್ರವಿಸುತ್ತದೆ. ಇದು ಮಾರ್ಚ್ ತನಕವೂ ಮುಂದುವರಿಯುತ್ತದೆ.  ಈಗ ಹಿಂದಿನಂತೆ ಕಾಡು ಜೇನು ಕಡಿಮೆ. ಇರುವುದು ಬಹುತೇಕ ರಬ್ಬರ್ ಮರದ ಜೇನು.

  •  ಜೇನು ಎಂದರೆ ಅದು ನಿಸರ್ಗದ  ವೈವಿಧ್ಯಮಯ ಹೂವುಗಳ ಮಧುವನ್ನು ಜೇನು ನೊಣ ಎಂಬ ಜೀವಿ ತನ್ನ ಶರೀರದ ಒಳಗೆ  ಹೀರಿಕೊಂಡು ಸಂಗ್ರಹಿಸಿದ ದ್ರವ.
  • ನೊಣಗಳು  ಅದನ್ನು ತಮ್ಮ ಗೂಡಿಗೆ ತರುತ್ತವೆ. ಅಲ್ಲಿ ಸ್ವಲ್ಪ ಕಾಲ ತಮ್ಮ ದೇಹದಲ್ಲಿ ಇಟ್ಟುಕೊಂಡು ನಂತರ ಅದನ್ನು ತಾವೇ ನಿರ್ಮಿಸಿದ ಜೇನು ಸಂಗ್ರಹಣಾ ಪಾತ್ರೆ  ‘ಎರಿ’ ಗೆ ತುಂಬಿಸುತ್ತವೆ.
  • ಸ್ವಲ್ಪ ಸ್ವಲ್ಪವೇ ಒಂದೊಂದೇ ಕೋಣೆಗೆ ತುಂಬಿಸುತ್ತಾ ಪೂರ್ತಿ ಎರಿಯ ಕೋಣೆಯೊಳಗೆ ಜೇನನ್ನು ಭರ್ತಿ ಮಾಡುತ್ತವೆ.

ಆರೋಗ್ಯಕರ ಜೇನು ಯಾವುದು?

  • ಜೇನು ಎಂದರೆ ವೈವಿಧಯಮಯ ಪುಷ್ಪಗಳ ಸಿಹಿ ಅಂಶ.
  • ನಿಸರ್ಗದಲ್ಲಿರುವ ಬೇರೆ ಬೇರೆ ಪುಷ್ಪಗಳ ಎಸಳುಗಳ ಸಮೀಪ ಈ ಸಿಹಿ ಪದಾರ್ಥ ಮಿಲಿ ಗ್ರಾಂ ಲೆಕ್ಕದಲ್ಲಿ  ಇರುತ್ತದೆ. 
  • ಇದನ್ನು ಜೇನು ನೊಣ ಮತ್ತು ಇನ್ನಿತರ ಸಣ್ಣ ಶರೀರದ ನೊಣಗಳು ಮಾತ್ರ  ಹುಡುಕಿ ಹೀರಲು ಸಾಧ್ಯವೇ ಹೊರತು ಉನ್ನತ  ಜೀವಿಗಳಿಗೆ  ಸಾಧ್ಯವಿಲ್ಲ.ಇದು ಪ್ರಾಕೃತಿಕ ಕ್ರಿಯೆ.


ಜೇನು ತುಂಬಿಸಿದಾಕ್ಷಣ ಅದು ಜೇನಾಗುವುದಿಲ್ಲ. ಅ ಜೇನಿನಲ್ಲೆ ಏನಾದರೂ ತೇವಾಂಶ ಇದ್ದರೆ ಅದೆಲ್ಲಾ  ಅವಿಯಾಗುವ ತನಕ ಎರಿಯ ಮೇಲೆ ಜೇನು ನೊಣಗಳು ತಮ್ಮ ರೆಕ್ಕೆಯ ಮೂಲಕ  ಗಾಳಿ ಬೀಸುವ ಮೂಲಕ ಅದರ ತೇವಾಂಶವನ್ನು 18 -20 % ಕ್ಕೆ ಇಳಿಸುತ್ತವೆ. ನಂತರ ಜೇನು ತುಂಬಿದ ಕೋಣೆಯನ್ನು ಮೇಣದ ಮೂಲಕ ಸೀಲ್ ಮಾಡುತ್ತವೆ. ಆ ಜೇನು ಪರಿಶುದ್ಧ ಜೇನಾಗಿರುತ್ತದೆ. ಇದನ್ನು ಪಕ್ವ ಜೇನು ಜೇನು ಎಂದು ಕರೆಯುತ್ತಾರೆ.

ರಬ್ಬರ್ ಎಲೆಯಲ್ಲಿ ಜೇನು ಇರುವ ಭಾಗ
ರಬ್ಬರ್ ಎಲೆಯಲ್ಲಿ ಜೇನು ಇರುವ ಭಾಗ
  • ಈ ಪ್ರಕ್ರಿಯೆಯಲ್ಲಿ ಹಲವು ವಿಚಾರಗಳಿವೆ. ಅದೆಲ್ಲಾ ನಂತರ  ತಿಳಿಯೋಣ.
  • ಹೂವುಗಳು ಯಾವುದೇ ಸಸ್ಯಗಳದ್ದು ಆಗಬಹುದು.
  • ಅದೆಲ್ಲವೂ ಒಟ್ಟು ಸೇರಿದಾಗ ಅದರ ಸತ್ವಾಂಶಗಳು ಜೇನಿನಲ್ಲಿ  ಸೇರಿ ಅದು ಆರೋಗ್ಯಕರ ಜೇನು ಎನಿಸಿಕೊಳ್ಳುತ್ತದೆ.
  • ಒಂದೇ ಬಗೆಯ ಹೂವಿನ ಜೇನಿನಲ್ಲಿ  ಒಂದು ನಿರ್ದಿಷ್ಟ ಅಂಶ ಮಾತ್ರ ಇರುತ್ತದೆ.
  • ಈಗ ನಮ್ಮಲ್ಲಿ ಮರಮಟ್ಟುಗಳು ಕಡಿಮೆಯಾಗಿವೆ.
  • ವೈವಿಧ್ಯಮಯ ಕಾಡು ಮಾರಗಳ ಜೇನು  ಉತ್ಪಾದನೆಗೆ ಅವಕಾಶವೇ ಇಲ್ಲದ ಸ್ಥಿತಿ ಉಂಟಾಗಿದೆ.


ಆದರೆ  ಜೇನು ಎಂಬ ವ್ಯವಹಾರ ಮಾತ್ರ  ಹಿಂದಿಗಿಂತ ಜಾಸ್ತಿಯಾಗಿದೆ!.

  • ಈಗ ಲಭ್ಯವಾಗುವ ಜೇನಿನಲ್ಲಿ ನಾವು ಬೇರೆ ಬೇರೆ  ಮರಗಳ ಹೂವಿನ ಸಿಹಿ ರಸವನ್ನು ಪಡೆಯುವುದು ಅಸಾಧ್ಯ. ಅಂಥಃ ಜೇನಿನ ಉತ್ಪಾದನೆಯೂ ಈಗ ಆಗುತ್ತಿಲ್ಲ.
  • ಜೇನನ್ನು ಈಗ ಕೃತಕವಾಗಿ ತಯಾರು ಮಾಡುವ ದಂಧೆ  ಅಲ್ಲಲ್ಲಿ ಇದೆ.
  • ಜೇನು  ನೊಣಗಳಿಗೆ  ಸಕ್ಕರೆ ಅಥವಾ ಬೆಲ್ಲದ ದ್ರಾವಣವನ್ನು  ಸದಾ ತಿನ್ನಿಸುತ್ತಾ  ಅದರ ಮೂಲಕ ಜೇನನ್ನು ಉತ್ಪಾದನೆ  ಮಾಡಲಾಗುತ್ತದೆ ಎಂದು ಕೇಳಿ ಬರುತ್ತಿದೆ.

ಏಕ ಬೆಳೆಗಳ ಜೇನು:

  • ಅಡಿಕೆ ತೋಟಗಳು ಮತ್ತು ರಬ್ಬರ್ ತೋಟಗಳು ಹೆಚ್ಚಿದೆ. ಈ ಬೆಳೆಗಳಲ್ಲೂ ಜೇನಿನ ಉತ್ಪಾದನೆ  ಆಗುತ್ತದೆ.
  • ಆದರೆ ಅದರ ಆರೋಗ್ಯ ಗುಣದ ಬಗ್ಗೆ ಹೇಳುವಂತಿಲ್ಲ.
  • ರಬ್ಬರ್  ಮರದ ಹೂವಿನಲ್ಲಿ ಯಾವುದೇ ಮಧು ಇರುವುದಿಲ್ಲ.
  • ಅದರ ಪತ್ರ ದಂಟಿನಲ್ಲಿ ಎಲೆ ಮೂಡುವ ಭಾಗದಲ್ಲಿ ಒಂದು ಸಿಹಿ ರಸ ಉತ್ಪಾದನೆಯಾಗುತ್ತದೆ.
  • ಇದು ಒಂದು ಪುಷ್ಪದ ಜೇನಿಗಿಂತ 5 ಪಟ್ಟು ಹೆಚ್ಚು.
  • ಇದನ್ನು ಜೇನು ನೊಣಗಳು ಸಂಗ್ರಹಿಸಿ ಜೇನು ಮಾಡುತ್ತವೆ.

ಈಗ ಲಭ್ಯವಿರುವ ಬಹುತೇಕ ಜೇನು ರಬ್ಬರ್ ಹಾಗೂ ಅಡಿಕೆ  ಮರಗಳ ಜೇನಾಗಿರುತ್ತದೆ. ಅಡಿಕೆ ಮರಗಳ ಹೂವಿನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಜೇನು ಇರುವುದಿಲ್ಲ. 

  • ಇಂತಹ  ಕೆಲವು ಜೇನನ್ನು ಪರಿಶುದ್ಧ ಜೇನು ಎಂದು ಹೇಳುವಂತಿಲ್ಲ.
  •  ಕೆಲವರು ಸಂಗ್ರಹಿಸುವ ವಿಧಾನವೂ ತೀರಾ ವ್ಯಾವಹಾರಿಕವಾಗಿವೆ.
  • ಸಮರ್ಪಕವಾಗಿ ಪಕ್ವವಾಗುವ ಮುನ್ನ  ಜೇನನ್ನು ತೆಗೆಯಲಾಗುತ್ತದೆ.
  • ಅವೈಜ್ಞಾನಿಕ ವಿಧಾನದಲ್ಲಿ ಸಂಗ್ರಹ ಮಾಡಲಾಗುತ್ತದೆ.
  • ಆಹಾರ ಶ್ರೇಣಿಯಲ್ಲದ ಪ್ಲಾಸ್ಟಿಕ್ ಬಾಟಲಿಯಲ್ಲಿ ತುಂಬಿಸಿ ಮಾರಾಟ ಮಾಡಲಾಗುತ್ತದೆ.
  • ಈ ಜೇನು ಹುಳಿ ಬರುವುದು ಬೇಗ.  ಹುಳಿ ಬಂದ ಜೇನು ಸೇವನೆಗೆ ಯೋಗ್ಯವಲ್ಲ.


ಪಕ್ವ ಜೇನು ಎಂದರೆ ಇಳಿಯುವಾಗ ಬಿದ್ದ ಭಾಗದಲ್ಲಿ ಕುಳಿ ಬೀಳದೆ ಮೇಲೆ ಎತ್ತರ ಬೀಳಬೇಕು. ಅಂಥಹ ಜೇನನ್ನು ನೀವು ಕಂಡಿದ್ದೀರಾ? ತಿಂದಿದ್ದೀರಾ. ಅದು ಈಗ ದೊರೆಯುವುದು ಕಷ್ಟ.

0 Comments

Submit a Comment

Your email address will not be published. Required fields are marked *

Get in Touch

For all kinds of inquiries, regarding the Krushiabhivruddi website and its other media channels, including corporate advertising contact us on 

support@krushiabhivruddi.com
+91-9663724066

ಒಂದು ಎಕ್ರೆಯಲ್ಲಿ ಮಿಶ್ರ ಬೆಳೆಯಿಂದ ಕನಿಷ್ಟ 3 ಲಕ್ಷ ಆದಾಯ ಗಳಿಸುವ ರೈತ.

Categories

error: Content is protected !!